E mbijetuara e dhunës seksuale në Kosovë, Vasfije Krasniqi- Goodman, pasi ka folur para Kongresit amerikanë rreth dhunimit nga forcat serbe gjatë kohës së luftës, ka falënderuar personat që e kanë mbështetur.
Ajo përmes një postimi në Facebook, ka shkruar se kurrë nuk do të ndalët duke e thënë të vërteten e saj dhe duke kërkuar drejtësi.
Postimi i plotë:
Dua t’ju falenderoj nga zemra për mesazhet e pafunda që me keni dërguar sot dhe dje.
Unë isha e nderuar që me ftesë të Kongresmenit Engel dhe Kongresmenit McCaul të jap dëshminë në Kongresin Amerikan për krimet e Serbisë gjatë luftës në Kosovë.
Unë jam një nga 20.000 gratë dhe burrat ndaj të cilëve është ushtruar terror dhe dhunë seksuale.
Ata që u munduan të më poshtërojnë dhe lëndojnë ende janë të lirë. Drejtësia ka dështuar në rastin tim. Drejtësia ka dështuar për viktimat e luftës së Kosovës.
Por unë kurrë nuk do të ndalem së thëni të vërtetën time dhe kurrë nuk do të ndalem së kërkuari drejtësi!
