Kryeministri i Kosovës, Ramush Haradinaj, ka thënë se marrja e kryesimit të Këshillit të BE-së nga 1 korriku I këtij viti, ai beson fuqishëm se shteti mik, Finlanda, do të vazhdojë të jetë zë I Kosovës në strukturat e Bashkimit Evropian, përcjell “Bota sot.
Haradinaj përmes një postimi në Facebook është shprehur se sot ka zhvilluar takime pune me ambasadorët dhe diplomatët finlandez në rajonin e Ballkanit Perëndimor, ngase, sic thotë ai, me qëllim të informimit të drejtë dhe të hollësishëm për hapat konkret të Qeverisë për fuqizimin e sundimit të ligjit, zbatimin e reformave të gjithëmbarshme dhe agjenden europiane të Kosovës.
Postimi i plotë:
Me marrjen e kryesimit të Këshillit të BE-së nga 1 korriku i këtij viti, besojmë fuqishëm se shteti mik, Finlanda, do të vazhdojë të jetë zë i Kosovës në strukturat e Bashkimit Europian. Mëngjesin e sotëm kam zhvilluar takim pune me ambasadorët dhe diplomatët finlandez në rajonin e Ballkanit Perëndimor, me qëllim të informimit të drejtë dhe të hollësishëm për hapat konkret të Qeverisë për fuqizimin e sundimit të ligjit, zbatimin e reformave të gjithëmbarshme dhe agjenden europiane të Kosovës. Kam ritheksuar, se duhet të përshpejtohet hyrja në agjendë të BE-së çështja e liberalizimit të vizave, si një proces i pakthyeshëm, i merituar dhe i drejtë. Me qëndrimin e qartë të Gjermanisë, jemi të bindur se edhe Finlanda do të jetë në krah të vendit tonë për ta përmbyllur këtë proces në afat optimal.RH
