Zëvendëskryeministri i Kosovës, Fatmir Limaj, ka bërë të ditur se sot bëhet përurimi i autostradës “Arbën Xhaferi”, siç thotë ai, autostradë kjo që do ta lehtësojë qarkullimin e njerëzve dhe mallrave dhe do ta lidhë Kosovën me vendet fqinje, përcjell , ‘Bota sot’.
Limaj këtë e ka bërë të ditur përmes një postimi në Facebook ku ka theksuar se ndihet mirë që sot po finalizohet një projekt madhor dhe strategjik i ideuar dhe projektuar në vitin 2010 në kohën kur ka drejtojtuar Ministrinë e Transportit dhe Postë Telekomit.
Postimi i plotë :
Të nderuar qytetarë,
pak orë na ndajnë nga përurimi i autostradës “Arbën Xhaferi”, autostradë kjo që do ta lehtësojë qarkullimin e njerëzve dhe mallrave dhe do ta lidhë Kosovën me vendet fqinje.
Ndjehem mirë që sot po finalizohet një projekt madhor dhe strategjik i ideuar dhe projektuar në vitin 2010 në kohën kur e drejtoja Ministrinë e Transportit dhe Postë Telekomit.
Pas "Rrugës së Kombit", autostrada “Arbën Xhaferi”, është projekti më strategjik i cili e ofron Kosovën me rajonin.
Urime qytetarëve të Kosovës për këtë projekt madhor.
(Foto e vitit 2010, koha kur drejtoja Ministrinë e Transportit kur ishte ideuar dhe projektuar ndërtimi i kësaj autostrade)FL
