Kryetari i LDK-së, Isa Mustafa, ka reaguar për vdekjen e ambasadorit austriak, Albert Rohan.
Përmes një postimi në llogarinë e tij në Facebook, ai ka thënë se Rohan la zbrazëtrirë të madhe në plejadën e njerëzve të mëdhenj, përcjell Bota sot.
Mustafa ka thënë se e kujton nga kryesimi i shumë takimeve të Vjenës, kur formulohej Pakoja, e cila mundësoi pavarësinë e Kosovës dhe takimet e ngrohta sa isha Kryeministër i Kosovës.
Postimi i tij i plotë:
Albert Rohan, lë zbrazëtirë të madhe në plejadën e njerëzve të mëdhenj të paqes.
Personalitet me ndikim në politikën evropiane, i respektuar për dijen dhe parimet e tij.
E kujtoj nga kryesimi i shumë takimeve të Vjenës, kur formulohej Pakoja, e cila mundësoi pavarësinë e Kosovës. Edhe nga takimet e ngrohta sa isha Kryeministër i Kosovës.
Albert Rohan, do të mbetet një nga figurat meritore të shtetësisë dhe pavarësisë të vendit tonë. IM./BS/
