Bunjaku-Rexhepi: LDK kurrë në historinë e saj nuk ka qenë më e bashkuar sesa sot - Bota Sot
Bunjaku-Rexhepi: LDK kurrë në historinë e saj nuk ka qenë më e bashkuar sesa sot

Aktuale

Bunjaku-Rexhepi: LDK kurrë në historinë e saj nuk ka qenë më e bashkuar sesa sot

Nga: N.H Më: 16 qershor 2019 Në ora: 19:30
Valentina Bunjaku-Rexhepi

Deputetja e LDK-së, Valentina Bunjaku-Rexhepi, përmes një shkrimi në llogarinë e saj ka reaguar lidhur me përleshjet në mes të delegatëve të Lidhjes Demokratike të Kosovës.

Ajo thotë se partia e saj nuk është e përçarë nga brenda, por ka përpjekje të dështuara për ta përçarë dhe prishur imazhin e saj nga jashtë.

Sipas saj, LDK kurrë në historinë e saj nuk ka qenë më e bashkuar sesa sot.

“Edhe po të donte dikush nga brenda përçarjen, nuk e merr forcën nga shpresa e vetme në popull - në LDK. Pra, LDK është më afër se kurrë drejt rrëzimit të Qeverisë aktuale dhe drejtimit të saj me vizion e ecje përpara! S'ka asnjë shans për përçarje!”, ka shkruar ajo në Facebook.

Ja postimi i plotë:

LDK nuk është e përçarë nga brenda, por ka përpjekje të dështuara për ta përçarë dhe prishur imazhin e saj nga jashtë, ndokush nga partitë rivale politike. Janë normale reagimet, diskutimet dhe polemikat e brendshme, por tri shkronjat e LDK-së janë më të rëndësishme se ambiciet e individëve, qoftë me vetëdije apo pa të, të ndikuara nga ndonjë pykë e futur nga jashtëpartiakë. Po ashtu, rregulloret brenda LDK-së duhet ta njohin kontributin e njerëzve të devotshëm dhe po ashtu të krijojë rrugë të sigurta të përfshirjes së kuadrove të reja që me të vërtetë e duan dhe besojnë në LDK, e që vijnë si "inçizues"! Përplasjet që po ndodhin në zgjedhjet e brendshme, do të ishin të natyrshme nëse do të ndodhnin pa bujë, por këto me "kameramanë", lënë dyshime se janë me porosi, pasi aktualisht LDK konsiderohet alternativa më serioze dhe më popullore për ta drejtuar Kosovën! Sidoqoftë, LDK kurrë në historinë e saj nuk ka qenë më e bashkuar sesa sot! Edhe po të donte dikush nga brenda përçarjen, nuk e merr forcën nga shpresa e vetme në popull - në LDK. Pra, LDK është më afër se kurrë drejt rrëzimit të Qeverisë aktuale dhe drejtimit të saj me vizion e ecje përpara! S'ka asnjë shans për përçarje! Në fund, mendoj se LDK duhet ta parasheh me rregullore e të ndryshojë-plotësojë disa prej rregullave të saj, rreth mënyrës së regjistrimit audio-vizuel dhe inçizimeve në përgjithësi, duke u konsideruar shkelje etike përdorimin e video-regjistrimeve për motive e interesa personale!

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...