KMDLNJ: Mbyllja e kazinove dhe lojërave të fatit, nuk po jep rezultatet e pritura - Bota Sot
KMDLNJ: Mbyllja e kazinove dhe lojërave të fatit, nuk po jep rezultatet e pritura

Aktuale

KMDLNJ: Mbyllja e kazinove dhe lojërave të fatit, nuk po jep rezultatet e pritura

Më: 20 qershor 2019 Në ora: 14:52
Ilustrim

Kuvendi i Kosovës ka miratuar një rezolutë që të mbyllen kazinot dhe lojërat e fatit për një periudhë 10 vjeçare.

Për këtë ka reaguar Këshilli për mbrojtjen e të drejtave e të lirive të njeriut, KMDLNJ, duke thënë që mbyllja e kazinove dhe lojërave të fatit nuk do ta ulë shkallën e kriminalitetit.

“Mbyllja e kazinove dhe lokacioneve të lojërave të fatit sipas KMDLNj-së nuk do ta ulin shkallën e kriminalitetit por rrItja e pranisë së shtetit ligjor, kontrollet dhe mbikëqyrja e rregulltë, duke i detyruar t’i përmbahen rregullave fiskale, sigurisht se do të ndikonin dhe do të kontribuonin në uljen e krimit si dhe në rritjen e shkallës së mbledhjeve të taksave dhe tatimeve e që nuk është bërë deri më tani”.

Sipas KMDLNJ e drejta e të bërit biznes dhe e drejta për punë janë të drejta të njeriut.

“E drejta e të bërit biznes dhe e drejta për punë janë të drejta të njeriut dhe askush nuk ka të drejtë dhe nuk mund të paragjykojë se cili biznes apo veprimtari mund ta rrisë shkallën e kriminalitetit. Dështimi i institucioneve të shtetit dhe moszbatimi efektiv i ligjit krijon kushte për rritje të shkallës së kriminalitetit dhe krimit të organizuar”.

“Ata që e propozojnë ligjin e ri për lojëra të fatit duhet të kenë parasysh të drejtat e njeriut dhe KMDLNj nuk mendon se pezullimi 10 vjeçar e zgjidhë problemin. Pezullimi 10 vjeçar është i kundërligjshëm sepse nuk kemi një vednim të gjykatës kompetente. Përkundrazi , vetëm sa do të shtohet numri i lokacioneve ilegale ku do të zhvillohet kjo veprimtari tash edhe pa kontrollë edhe simbolik të shtetit”, thonë nga KDMLNJ.

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...