Lideri i Lidhjes Demokratike të Kosovës, Isa Mustafa, është deklaruar lidhur me takimet e zhvilluara gjatë ditës së sotme.
Mustafa konsideron se takimet e tilla janë të dobishme për të vlerësuar bashkërisht momentet që po kalon vendi, pa marrë parasysh kalkulimet partiake për zgjedhjet e ardhshme.
Gjithashtu i pari i LDK-së potencon gjithashtu se kanë nevojë të ndërtojnë një kulturë komunikimi si shprehje e kulturës demokratike.
Ja shkrimi i tij:
Miq të nderuar
Sot bisedova, në takime të ndara, me z. Fatmir Limaj, kryetar i Nismës Socialdemokrate dhe me z. Shpend Ahmeti, kryetar i PSD-së.
Takimet e tilla, konsideroj se, janë të dobishme për të vlerësuar bashkërisht momentet që po kalon vendi ynë, pa marrë parasysh kalkulimet partiake për zgjedhjet e ardhshme.
Dua të sqaroj se për ditën e sotme, ftesë për takim iu kam bërë liderëve të kêtyre dy subjekteve, me të cilët edhe jam takuar.
Kemi nevojë të ndërtojmë një kulturë komunikimi si shprehje e kulturës tonë demokratike. IM