Kreu i NISMA-s Socialdemokrate, Fatmir Limaj, thotë se nuk mund të flitet për korrigjim të kufirit me Serbinë pa njohje nga Serbia.
“Dy shtetet njihen njëra me tjetrën pastaj definohen kufijtë. Ne shkojmë për njohje, por ne nuk kemi asnjë propozim zyrtar nga Serbia. Duhet filluar dialogu për njohje”, ka deklaruar Limaj në T7.
Ai më tej ka thënë edhe për fjalorin e partive në prag të fushatës zgjedhore.
Limaj ka pohuar se partitë politike nuk duhet të japin premtime të rreme në fushatën për zgjedhjet e reja.
“Vendi është në udhëkryq, nuk ja vlen me marrë një votë më tepër nëse nuk realizohet ajo që premtoni”, ka pohuar ai.