Në tubimin me qytetarë të Gjilanit, kryeministri në detyrë Ramush Haradinaj, ka kërkuar që të përkrahet koalicioni AAK-PSD, pasi që sipas tij, vetëm Qeveria e tij mund t’i kryejë punët e nevojshme për Gjilanin dhe gjithë Kosovën.
Haradinaj atje ka premtuar zhvillimin e Gjilanit, por edhe forcimin edhe të Luginës së Preshevës.
“Më shumë projekte zhvillimore ne mendojmë se nëse e zhvillojmë Anamoravnë, kështu e përkrahim edhe Luginën. Kam vetëbesimin e duhur, aftësitë menaxheriale dhe vendosmërinë për të marrë vendime”.
“Gjilan ata që kërkojnë besimin e juaj, nuk munden të punojë. Pse? Në aspektin menaxherial dhe zbatues jam rritë për shkak të sfidave të ndryshme. Gjatë qeverisjes time do të hap çerdhe, do të siguroj shtesat për fëmijë si dhe do t’i rris pagat e sektorit publik për 10% në vit”.
Në fund, Haradinaj i është drejtuar kandidatit për deputet nga kjo anë, Ahmet Isufit, duke i thënë se së bashku do të vijnë të festojnë në Gjilan më 6 tetor.
“Ahmet, ia vlen të fitojmë në Gjilan. Shpresoj që më 6 tetor, përveç në Prishtinë do të kthehemi edhe në Gjilan për të festuar. Urime fitorja!”.
