Ramiz Kelmendi i cili nga LDK-ja ka aderuar në PDK, është takuar me punëtorët e kompanisë së tij ETC për të lobuar për PDK.
E kjo po konsiderohet si vepër penale nga Avni Zogiani, kandidat për deputet i LVV-së.
“Ky është duke bere vepër penale!”, shkruan ai.
Kelmendi, para disa ditë ka treguar se punëtorët e tij do të votojnë PDK-në.
E numri i punëtorëve që i ka Kelmendi është rreth 20 mijë.
“Edhe sot vazhduam lobimin në Etc 1 dhe Etc 2 dhe filialat në Prishtinë!
Kënaqësi të kesh mbështetje me vullnet nga kolegët e punës, veçanërisht nga ata të cilët, pjesa dërmuese e tyre janë me përvojë pune në kompaninë tonë me mbi 15 vjet!
U dakorduam për PDK me numër 112 dhe z.Kadri Veseli – Kryeministër”, ka shkruar Ramiz Kelmendi pas vizitës në ETC.
