Drejtori i Organizatës për rritjen e Cilësisë në Arsim, Rron Gjinovci, ka reaguar pas vendimit të 19 shtatorit të Asociacionit Europian për Sigurimin e Cilësisë në Arsimin e Lartë (ENQA) për përjashtimin e Agjencia Kosovare e Akreditimit.
Ai përmes një postimi në Facebook, ka drejtuar gishin nga kyreministri në largim Ramush Haradinaj, duke thënë se vendimi I tij i zbatuar nga Ministri Shyqiri Bytyqi, e solli këtë gjendje.
Gjithashtu, ai për këtë gjendje ka akuauzar edhe: Shyhrete Reçica - ish u.d drejtoreshe e Agjencisë;
Avni Gashi - u.d. drejtor i Agjencisë; Shykrane Gërmizaj - ish kryetare e komisionit të ankesave;
Postimi i plotë:
Vendimi i kryeministrit Ramush Haradinaj, i zbatuar nga Ministri Shyqiri Bytyqi në vitin 2017, na solli në këtë situatë. Në fillim u përjashtuam nga EQAR ndërsa ENQA na vuri nën shqyrtim. Ndonëse bordi i ri u zgjodh nën mbikqyrjen e shoqërisë civile dhe ishte jashtëzakonisht më i pavarur e profesional sesa bordet paraprake, pengesat që iu vunë po nga politika, që vinin herë nga Kryeministria e herë nga MAShT, e herë si sabotazhë e ushtruesve të detyrës së drejtorit brenda vet Agjencisë, e bënë të pamundur që ky bord t'ju përgjigjej nevojave për përmbushjen e standardave ndërkombëtare. Shqyrtimi rigoroz nga ENQA, i kombinuar me sabotazhë aktive nga brenda, përfshi nga disa rektorë të universiteteve publike e padyshim pronarëve të kolegjeve (kioskave) private, rezultoi në mospërmbushje të standardeve.
Më 1 Tetor kur ne po manifestonim për rezistencën e UP-së, qenka shkru letra e përjashtimit të Agjencisë nga ENQA.
Por kjo situatë ka përgjegjës dhe ata janë:
Ramush Haradinaj - fajtor kryesor;
Shyqiri Bytyqi;
Shyhrete Reçica - ish u.d drejtoreshe e Agjencisë;
Avni Gashi - u.d. drejtor i Agjencisë;
Shykrane Gërmizaj - ish kryetare e komisionit të ankesave;
Një betejë e fituat, por lufta vazhdon. Me t'gjitha kapacitetet do t'ju luftojmë deri atëherë kur ju të humbni. Fitorja i takon qytetarëve të Kosovës dhe interesit publik.
