Lëvizja Vetëvendosje ka njoftuar se takimet e ardhshme me Lidhjen Demokratike të Kosovës do të jenë në nivel kryetarësh të subjekteve.
Këtë e ka bërë të ditur VV-ja, përmes një komunikate për media, pas takimit të sotëm që u mbajt ndërmjet grupeve punuese të këtyre partive, shkruan "Bota sot".
“Përfundon cikli i takimeve të grupeve punuese të Lëvizjes Vetëvendosje! dhe Lidhjes Demokratike të Kosovës
Sot, në selinë e Lëvizjes Vetëvendosje! u mbajt takimi i fundit i grupeve punuese të Lëvizjes Vetëvendosje! dhe Lidhjes Demokratike të Kosovës. Në këtë takim, tema kryesore ishin mirëqenia sociale, energjetika, kultura dhe mërgata.
Edhe ty takim u zhvillua në frymë konstruktive, ku u gjet pajtueshmëri për shumicën e temave në fjalë.
Takimet e rradhës pritet të mbahen në nivel kryetarësh të subjekteve”, thuhet në komunikatën për media të VV-së.
