Deputetja e ardhshme e Kuvendit të Kosovës, Albulena Haxhiu, përmes një shkrimi në Facebook, ka reaguar lidhur me ftesën e Speciales për Rexhep Selimin.
Ajo thotë se sa herë ftohen ushtarët e lirisë nga prokuroria, i bien ndërmend deputetët e Kuvendit që ngritën duart për këtë gjykatë.
“Përkulemi para veprës së Ushtrisë Çlirimtare të Kosovës dhe secilit luftëtar lirie. Rexhep Selimi, miku e kolegu im dhe gjithë të tjerët kanë mbështetjen tonë dhe të qytetarëve të Kosovës”, shkruan Haxhiu.
Ja shkrimi i saj:
Sa herë ftohen ushtarët e lirisë nga prokuroria, më bien ndërmend deputetët e Kuvendit që ngritën duart për gjykatën etnike kundër UÇK. Çfarë dëmi!
Në vend të angazhimit për gjykimin e krimeve të Serbisë në Kosovë (e për të cilat asnjëherë nuk bënë asgjë), ata votuan Gjykatën Speciale që do të merret me UÇK-në, madje e futën edhe në Kushtetutë
Përkulemi para veprës së Ushtrisë Çlirimtare të Kosovës dhe secilit luftëtar lirie.
Rexhep Selimi, miku e kolegu im dhe gjithë të tjerët kanë mbështetjen tonë dhe të qytetarëve të Kosovës.
