Kryeministri në detyrë Ramush Haradinaj ka marr pjesë sot në ceremoninë e ndërrimit të komandës së KFOR-it.
Ai përmes një postimi në Facebook, ka thënë se Kosova është e përkushtuar në rrugëtimin e drejtë drejt anëtarësimit në NATO.
Postimi i Haradinajt:
Kosova është konsoliduar si shtet dhe ka fuqizuar mekanizmat e saj të sigurisë, falë rolit të NATO-s, duke u bërë sot një vend demokratik, i përkushtuar për paqe dhe partneritet me aleatët tanë. Sot, në ceremoninë e ndërrimit të komandës së KFOR-it, falënderova Gjeneral D’Addario për angazhimin profesional dhe miqësor gjatë shërbimit të tij dhe i urova mirëseardhje Gjeneralit Risi, me urimet më të mira për sukses në detyrën e re. Kosova është e përkushtuar në rrugëtimin e saj drejt anëtarësimit në NATO dhe e fokusuar për paqe dhe siguri në vend dhe rajon dhe në këtë synim, roli i KFOR-it është i jashtëzakonshëm. RH