Presidenti i Kosovës Hashim Thaçi është nisur për vizitë në Shqipëri, për të vizituar zonat e prekura nga tërmeti.
Eskorta e presidentit Thaçi është parë më herët duke e kaluar tunelin e Kalimashit.
Ai së pari do ta vizitojë Thumanen, e cila është zona më e prekur nga tërmeti i djeshëm që la të paktën 27 të vdekur dhe mbi 600 të plagosur.
Bashkë me presidentin Thaçi është edhe komandanti i FSK, Rrahman Rama.
Ndryshe, Shqipëria dje është goditur nga tërmet me fuqi 6.4 sipas shkallës Rihter, më i fuqishmi ky në 30 vjetët e fundit.
