Kurti i hesht të gjithë: Këta persona nga LDK-ja nuk do të jenë president - Bota Sot
Kurti i hesht të gjithë: Këta persona nga LDK-ja nuk do të jenë president

Aktuale

Kurti i hesht të gjithë: Këta persona nga LDK-ja nuk do të jenë president

Nga: D.RR Më: 12 dhjetor 2019 Në ora: 20:59
Albin Kurti

Lideri i VV-së ka thënë se asnjë nga tre figurat e larta të LDK’së s’ma ka pranuar se dëshiron të bëhet president

Kryetari i VV’së, Albin Kurti, ka thënë se po i kërkohet nga LDK’ja që të mbështesë kërkesën e tyre për postin e presidentit pa e ditur se kush do të jetë ai.

“Po më kërkohet një pëlqim blanko. Më kanë kërkuar postin por nuk më kanë treguar kush është ai”, ka thënë Kurti.

“Asnjë nga tre anëtarë e kryesisë së LDK’së nuk e kanë pranuar se duan të bëhen president”, ka shtuar ai.

LDK dhe VV janë në fazën e fundit të lidhjes së marrëveshjes për koalicion qeverisës. Grupet punuese të të dy subjekteve kanë krijuar nëj program të përbashkët qeverisës dhe tani ka mbetur vetëm ndarja e posteve në qeveri.

Kryetarët e dy subjekteve janë marrë vesh që të takohen gjatë ditëve në vijim për të lidhur një marrëveshje para konstituimit të Kuvendit. Presidenti i vendit e ka caktuar dtën 24 dhjetor për mbledhjen e parë të legjislaturës së re.

Shfaq komentet
comments powered by Disqus
Sot mund të lexoni Shfletoni kopertinat