Mos arritja e marrëveshjes përfundimtare në mes Vetëvendosjes e Lidhjes Demokratike e Kosovës ka bërë që dy palët të hedhin akuza ndaj njëra tjetrës e sidomos ndaj analistëve që sipas tyre po bejnë presion për tu bërë marrëveshja.
Arbër Zaimi zyrtarë i lartë i Vetëvendosjes në një postim të tij në facebook ka sulmuar keq “analistat” siç i ka quajtur ai të cilët sipas tij po synojnë të mbjellin lodhje dhe padurim, me idenë se kjo do e detyrojë Lëvizjen të bëjë marrëveshje të padrejtë.
Postimi i plotë:
Media e “analistëve” po synon të mbjellë lodhje dhe padurim, me idenë se kjo do e detyrojë Lëvizjen të bëjë marrëveshje të padrejtë.
Ata nuk duan t’i bëjnë presion LDK-së për marrëveshje të drejtë. I gjithë investimi është si e si të thyhet qëndrimi parimor i Lëvizjes.
Por harrojnë se Lëvizja VETËVENDOSJE! e ka hapur vetë rrugën e suksesit të saj, pa ndihmën e “analistëve” dhe pa u lodhur kurrë.
