Haradinaj takohet me ambasadorin e ri të Italisë Nicola Orlando - Bota Sot
Haradinaj takohet me ambasadorin e ri të Italisë Nicola Orlando

Aktuale

Haradinaj takohet me ambasadorin e ri të Italisë Nicola Orlando

Më: 21 janar 2020 Në ora: 13:04
Pamje nga takimi

Kryeministri në detyrë i Kosovës, Ramush Haradinaj, priti në takim ambasadorin e ri të Italisë në Prishtinë, Nicola Orlando, me të cilin ka biseduar për zhvillimet e përgjithshme në vend.

Duke uruar ambasadorin Orlando për detyrën e re, kryeministri në detyrë Haradinaj vlerësoi përkrahjen e Italisë në periudhat më të rëndësishme për Kosovën, i bindur në thellimin e mëtejmë të bashkëpunimit me Italinë, si një ndër partnerët strategjik për vendin tonë.

“Italia ka dhënë një kontribut të veçantë, si në zhvillimin ekonomik, ashtu edhe në mbrojtjen dhe ofrimin e sigurisë në kuadër të trupave paqeruajtëse të KFOR-it. Kjo përkrahje duhet të vazhdojë edhe në të ardhmen në proceset e rëndësishme për vendin tonë, liberalizimin e vizave, por edhe në rrugën e integrimit në BE dhe në NATO”, tha Haradinaj.

Ai me këtë rast e njoftoi diplomatin italian edhe për vendimet që ka marrë Qeveria për krijimin e një ambienti të favorshëm për investimet e huaja, duke ftuar investitorët italianë që potencialin e tyre ta orientojnë në Kosovë.

Ndërsa, ambasadori Orlando shprehu gatishmërinë për bashkëpunim në të gjitha fushat me interes të përbashkët dhe mbështetjen e vendosur të Italisë për perspektivën euroatlantike të Kosovës.

Shfaq komentet
comments powered by Disqus
Sot mund të lexoni Shfletoni kopertinat