Sot është afati i fundit që Lëvizja Vetëvendosje të vendosë për ofertën e dhënë nga Lidhja Demokratike e Kosovës.
Lidhja Demokratike e Kosovës, i ka dhënë ultimatum deri të dielën Vetëvendosjes, që të vendosë nëse do të gjejë zgjidhje për bërjen e qeverisë, ose të dështon në tërësi procesin, duke i lënë mundësi VV-së që të krijojë koalicion me ndonjë partner tjetër përveç VV-së.
Siç ka mësuar media nga burimet e saj, LDK-ja kërkon kthimin e postit të kryeparlamentarit për këtë parti, 5 ministri dhe presidentin.
“Lidhja Demokratike e Kosovës nuk lëviz nga pozicioni i saj. Është e thjesht – nëse VV duan marrëveshje atëherë duhet ta pranoj ofertën tonë që është, ne duam pesë ministri përfshirë edhe kryetarin e Kuvendit dhe presidentit, me kusht që kur të zgjedhet presidenti një ministri t`i kthehet VV”, kanë thënë burime nga LDK.
Tutje Lidhja Demokratike e Kosovës dhe Lëvizja Vetëvendosje kanë realizur dhjetra takime bashkë që nga 6 tetori i 2019-tës.
Mirëpo, diskutimet kanë ngecur pasi që Lëvizja Vetëvendosje nuk ka pranuar që të negociojë me pozitën e kryeparlamentarin, post, të cilin e ka marrë njeriu i dytë më i votuar në VV, Glauk Konjufca.
