Deputetja e AAK-së, Time Kadrijaj, përmes një postimi në Facebook, ka thënë se ministri Abdixhiku ka filluar me e coptu Kosovën në infrastrukturë.
Sipas deputetes së AAK-së autostrada e Dukagjinit është interes i Kosovës, si dhe është në shërbim të 600 mijë taksapaguesve qytetarë të barabartë të Kosovës.
“Anamorava dhe Dukagjini meritojnë trajtim të barabartë! Populli do ju mbajë përgjegjës nëse i bllokoni këto projekte kapitale”, ka thënë Kadrijaj në Facebook.
Kujtojmë se ministri i zgjedhur i Infrastrukturës, Lumir Abdixhiku tha sot se një qeveri në ikje, pa buxhet të aprovuar, nuk mund të fus në obligime financiare qeverinë e ardhshme, siç ka ndodhur me rastin e tenderit në vlerë prej 110 milionë eurove për ndërtimin e autostradës Banullë-Dheu i Barhdë.
Ja shkrimi i saj:
Abdixhiku ka fillu me e coptu Kosovën në infrastrukturë.Pse?!
Autostrada e Dukagjinit është interes i Kosovës,është në shërbim të 600 mijë taksapaguesve qytetarë të barabartë të Kosovës.
Anamorava dhe Dukagjini meritojnë trajtim të barabartë!
Populli do ju mbajë përgjegjës nëse i bllokoni këto projekte kapitale.
Z Abdixhiku jeni përgjegjës dhe kërkojmë përgjigjje nga ju.
Ne për këtë do të kërkojmë interpelanc!
