Kjo është përqindja që mori Shpejtim Bulliqi - Bota Sot
Kjo është përqindja që mori Shpejtim Bulliqi

Aktuale

Kjo është përqindja që mori Shpejtim Bulliqi

Më: 16 shkurt 2020 Në ora: 19:45
Shpejtim Bulliqi

Shpejtim Bulliqi është kandidat i Lëvizjes Vetëvendosje për kryetar të Komunës së Besianës, pasi 95.76 për qind e anëtarësisë së kësaj partie votuan sot pro kandidaturës së tij.

Bulliqi u lind në shtator 1968, në Llugë të Podujevës. Ka përfunduar studimet themelore, ato të magjistraturës dhe doktoratës në Departamentin e Gjeografisë në Fakultetin e Shkencave Matematiko-Natyrore, në Universitetin e Prishtinës.

Në zgjedhjet e 6 tetorit, është rizgjedhur për herë të dytë deputet në Kuvendin e Kosovës.

LDK ka kandiduar Nexhmi Rudarin për zgjedhjet e parakohshme të 15 marsit, pasi kryetari aktual Agim Veliu mori postin e ministrit të Brendshëm në Qeverinë Kurti.

Afati i fundit për certifikim të kandidatëve dhe subjekteve politike për të garuar në këto zgjedhje është deri nesër, në ora 18.00.

Shfaq komentet
comments powered by Disqus
Sot mund të lexoni Shfletoni kopertinat