Presidenti i Serbisë Aleksandar Vuçiq ka deklaruar se një vend i madh, i rëndësishëm dhe i fuqishëm evropian i ka kërkuar Prishtinës të vendos taksën me qëllim që Serbia të dalë nga dialogu, i që sipas tij “në ato momente po shkonte drejt një zgjidhjeje kompromisi”.
“Kjo u bë për të thënë se Serbia po e linte dialogun dhe se çdo plan do të rrëzohej që Serbia të fitonte diçka”, theksoi Vuçiq për mediat serbe, duke kujtuar se ideja e demarkacionit mund të jetë rezultat i një dialogu në të cilin Serbia do të merrte diçka.
“Unë nuk e dija menjëherë, tani i di të gjitha. Ka një forcë domethënëse dhe të fuqishme në diskutim”, tha Vuçiq.
Ai shtoi se e gjithë bota doli kundër taksës, se amerikanët ishin më të zëshëm se evropianët, sepse, siç theksoi Vuçiq, një vend evropian e dëshironte atë.
