Avokati dhe analisti politik Dastid Pallaska, ka thënë se kryeministri i Shqipërisë Edi Rama, publikisht ka ekspozuar pabesitë e tij ndaj Kosovës.
Ai ka thënë se Rama është në kërkim të shërbyesve të ri për të kompensuar kredencialet e humbura kombëtare, përcjell Bota sot.
Reagimi i Pallaskës vie pasi dje Rama i doli në mbrojtjte Rexhep Qosjes, i cili sulmoi mediat kinse për urrejtjte ndaj Shqipërisë.
Postimi I Pallaskës në Facebook:
Rexhep Qosja dje me një status në Facebook e paska barasvlerësuar kritikën ndaj Kryeministrit të komprometuar të Shqipërisë me urrejtje ndaj Shqipërisë.
Ky status do të ishte i ulët edhe për një aparatçik nga “zyra e shtypit” e Kryeministrit të Shqipërisë që synon t’i vardiset shefit autokrat duke ia ushqyer egon e sëmurë me idenë se ai vetë është Shqipëria.
Kjo shpjegon pse ky status ka marrë vëmendjen dhe është shpërndarë nga Kryeministri i Shqipërisë, i cili - tash që publikisht është ekspozuar për pabesitë e tij kundër Kosovës - është në kërkim të shërbyesve të ri për të kompensuar kredencialet e humbura kombëtare./BS
