Ramush Haradinaj ka folur edhe sa mund të jetë jetëgjatësia e “Qeverisë Kurti”. Sipas tij, kjo Qeveri nuk do ta ketë “jetën e gjatë”.
“Një qasje e tillë e kësaj Qeverie, duke e rrezikuar vendin nuk besoj që do të aprovohet së pari në “Vetëvendosje””, ka thënë Haradinaj.
Ai ka shtuar se në subjektin politik të Albin Kurtit e kanë krijuar një klimë se duhet të respektohet baba, por duhet respektuar edhe nënën, Kosovën. Ata duhet e respektuar vetëm Albin Kurtin duhet ta shohin se çka po e gjenë nënën, vendin e vetë”, ka potencuar Haradinaj.
Ish-kreu i Qeverisë thotë se pamja e djeshme, gjatë konferencës së kryeministrit Kurti, ku 6 veta i rrinin mbrapa këtij të fundit, dukej si të ishin para një gjykimi. “Pastaj lajmërimi i Kurtit me aq mashtrim për heqjen e taksës flet shumë. Është në rregull t’i thuhet popullit se për shkak të kësaj, kam vlerësuar ta heqë taksën, por jo me mashtru edhe në këtë rast”, ka thënë Haradinaj.