Anëtari i Parlamentit Evropian, Lukas Mandl, u ka bërë thirrje zyrtarëve në Kosovë që të qëndrojnë të bashkuar në ato që i ka cilësuar si kohëra të vështira, për të mundësuar funksionimin e qeverisë në vend të prodhimit të krizës politike.
Sipas tij, ata duhet të veprojnë së bashku për të tejkaluar vështirësitë, për hir të koronavirusit, të cilin e ka cilësuar armik të përbashkët.
Deklaratat e tij vijnë pasi Lidhja Demokratike e Kosovës ka njoftuar se ka dorëzuar në Kuvendin e Kosovës kërkesën për mocion mosbesimi kundër qeverisë së kryeministrit, Albin Kurti.
