Ish-kryenegociatorja e Kosovës në dialogun me Serbinë, Edita Tahiri, ka folur pas rrëzimit të Qeverisë.
Ajo ka thënë se koalicionet partiake e qeverisëse edhe mund të prishen, pasi sipas saj, ato kanë për bazë interesa partiake. Por, Tahiri ka theksuar se vetëm koalicioni kombëtar për mbrojtjen e kufijve të Kosovës, nuk mund të prishet, përcjell Bota sot.
“Sepse ka për bazë interesin kombëtar, gjakun e derdhur për pavarësi dhe luftën e fituar pas një shekulli robërie”, ka shkruar Tahiri në një postim në Facebook.
Postimi i plotë:
Koalicionet partiake e qeverisëse edhe mund të prishen, sepse kanë për bazë interesa partiake.
Por, është një koalicion që nuk mund të prishet, ai është koalicioni kombëtar për mbrojtjen e kufijve të Kosovës, sepse ka për bazë interesin kombëtar, gjakun e derdhur për pavarësi dhe luftën e fituar pas një shekulli robërie.
Kush pretendon se vetëm brezi ynë e fitoi luftën e kanë gabim, kjo luftë e jona për liri u fitua pas 100 vjetësh, brez pas brezash me sakrificat me sublime.
