Kryetari i Nisma Socialdemokrate Famir Limaj ka folur rreth mundësisë që ai të marrë postin e kryeministrit.
Ai ka thënë se vendit i nevojitet një kryeministër me përvojë dhe i cili di të ruajë raportet me miqtë ndërkombëtarë.
Në një emision për televizionin publik, i pari i Nisma ka thënë se nuk është ai që cakton emra për këtë post.
“Na duhet një kryeministër me përvojë që e di vendin e punës dhe e di si funksionon sistemi shtetëror, që di të avancojë marrëdhëniet me miqtë ndërkombëtarë dhe që jep inpute të qarta ekonomike e sociale. Nuk jam unë për të caktuar emër”, është shprehur Limaj.
I pyetur nëse është i gatshëm ta merr postin e kryeministrit, i pari i Nisma ka mohuar një mundësi të tillë.
“Unë rri në peshën time politike që më ka dhënë populli. Nuk është ky pazar”, tha Limaj.