Naser Arifi – Delegat i Kuvendit të Përgjithshëm të LDK-së, ka hedhur sot kritika të ashpra ndaj shefit të Grupit Parlamentar të kësaj partie Arben Gashit.
Arifi, përmes një reagimi në “Bota sot”, ia ka përmendur Gashi tradhtinë kur e kishte votuar zgjedhjen e Hashim Thaçit president, derisa ka e ka quajtur “hipokrit” e të” pafytyrë”.
Me fjalët e tij po pajtohet ish-kryetarja e LDK-së në Gjermani Donika Gërvalla, përcjell Bota sot.
Ajo ka thënë se ashtu siç i ka përshkruar Arifi, i ka njohur edhe ajo “perlat reformatore të LDK-së”.
Gërvalla ka theksuar se LDK-së po i vjen vdekja edhe nga hipokrizia dhe oportunizmi i atyre që janë në strukturë, e shohin të vërtetën dhe nuk ndërmarrin asgjë për ta ndalur të tatëpjetën.
Postimi i saj në Facebook:
Naser Arifi i paska rënë pikës, i guximshëm dhe i sinqertë deri në fund.
Pikërisht kështu si i ka përshkruar Naseri i njoha edhe unë "perlat e reformatore " të Lidhjes. Në kafe gojën plot reforma, në mbledhje, kryesi, KP apo Kuvend heshtje varri.
Vdekja LDK-së nuk po i vjen vetëm nga ndërthurrja e interesave të kreut të saj me krahun politik të krimit në PAN, por në radhë të parë nga hipokrizia dhe oportunizmi i atyre që janë në strukturë, e shohin të vërtetën dhe nuk ndërmarrin asgjë për ta ndalur të tatëpjetën.
