Driton Selmanaj nga Lidhja Demokratike e Kosovës në emisionin Debat Plus ka folur rreth situatës aktuale politike.
Ai duke komentuar vendimin e Gjykatës Kushtetuese për pezullimin e dekretit të Thaçit për formim të institucioneve, tha se qeveria e udhëhequr nga Kuri për 50 ditë i ka shkaktu dëm vendit sa 20 vitet e kaluara.
“Ka shkel marrëveshje, ka vu çështje në pikëpyetje që janë jetike për Kosovën.
Dëmet që i ka shkaktu për 50 ditë kam përshtypje as për 20 vite nuk janë bërë.
LDK e kemi përshëndet që jemi në pritje të Kushtetutës, vendimet e Gjykatës janë në formë të prerë, por integriteti s’duhet të preket.
Por, Kurti ka një far kërcënimi publik ndaj Kushtetuesës. Unë mendoj që gjuha e tij është e papranueshme karshi këtij institucioni.
Unë shprehem i bindur që vendimi i Kushtetuesës do të jetë i drejtë”, thotë ai.
