Naim Murseli, këshilltar i kreut të AKR-së Behgjet Pacollit, ka rikujtuar pyetjet e drejtuar ish-ministrit të Punëve të Jashtme të Suedisë Carl Bildt, 10 vite më parë.
Murseli e kishte pyetur Bildt se kur do ta fitonte Kosova liberalizimin e vizave.
Bildt kishte deklaruar se kjo çështje do të merrte kohë, por kishte treguar se po punon intensivisht për ta ndihmuar Kosovën të vendoste sistemin juridik dhe strukturën e nevojshme, përcjell Bota sot.
Ish-ministri suedez kishte thënë se do të takohej të nesërmen me presidentin e atëhershëm të Kosovës Fatmir Sejdiun, dhe ndoshta do të bisedonte për këtë pyetje.
Postimi i Murselit në Facebook:
Pyetja ime drejtuar Carl Bildt 10 vjet dhe 3 muaj më parë. Në kohën kur ai ishte Ministër i Punëve të Jashtëm të Suedisë
NM: I dashur Ministër i Jashtëm! Kur do të marrë pjesë Kosova në Liberalizimin e vizave? Faleminderit!
CB: Një pyetje e mirë ... Unë mendoj se do të zgjasë edhe një kohë, por ne po punojmë intensivisht për ta ndihmuar Kosovën të vendosë sistemin juridik dhe strukturën e nevojshme. Do të takohem me Presidentin e Kosovës nesër, dhe ndoshta pyetja do të diskutohet.
