Nënkryetarja e Kuvendit të Kosovës nga radhët e Lëvizjes Vetëvendosjes, Arbërie Nagavci, ka shprehur besimin se Gjykata Kushtetuese do të rrëzojë dekretin e presidentit Hashim Thaçi për emrin e mandatarit.
Dy ditë para se Kushtetuesja të marrë vendimin final nëse Avdullah Hoti do të ketë ose jo të drejtën të formojë qeverinë e re, Nagavci pret që vendimet e saj të jenë në anën e Lëvizjes Vetëvendosje.
“Fakti që ne e kemi dërguar dekretin e presidentit për vlerësim në Kushtetuese, sepse besojmë se është antikushtetuese dhe presim që argumentet juridike janë në anën tonë”, tha Nagavci në Debat Plus.