Ministrja e Drejtësisë, Albulena Haxhiu, i ka reaguar presidentit të Kosovës, Hashim Thaçi rreth akuzave të këtij të fundit se familjarë të kësaj të fundit kanë laborator droge.
Haxhiu në postimin e saj në Facebook, ka shkruar se familjarët e saj me shtetësi zvicrane janë duke u konsultuar me avokatë për ta paditur Hashim Thaçin, në Gjykatën e Zvicrës.
Postimi i plotë:
President shpifës
Dje akuzoi që familja ime ka laborator droge, ndërsa sot, thekson familja politike. Sikur herën e parë po ashtu edhe herën e dytë, ai ka shpifur me qëllime të pista!
Ju njoftoj që lidhur me akuzat e shpifjet e tij, familjarët e mi me shtetësi zvicrane janë duke u konsultuar me avokatë për ta paditur Hashim Thaçin, në Gjykatën e Zvicrës.
Në anën tjetër policia DUHET ta demantojë Hashim Thaçin sepse ata i kanë informacionet e sakta.
Le të dalin e të flasin publikisht!
