Ministri i sapo rizgjedhur në krye të Ministrisë së Brendshme, Agim Veliu ka thënë se si rikthimi i tij në këtë post është për të vazhduar angazhimin dhe përmbushjen e detyrave në zbatim të programit të Qeverisë së Kosovës.
Ai thotë se do ta luftojë krimin e korrupsionin, për t’i hapur rrugë liberalizimit të vizave, përcjellë “Bota sot!”.
Postimi i plotë:
Rikthim në punë për të vazhduar angazhimin dhe përmbushjen e detyrave në zbatim të programit të Qeverisë së Kosovës.
Mbetem fuqishëm i vendosur për të punuar fort në arritjen e synimeve për Kosovën, vend i qetë dhe i sigurtë, për luftë pa kompromis ndaj krimit dhe korrupsionit dhe për arritjen e objektivave të vendit tonë për të siguruar anëtarësim të Kosovës në mekanizmat ndërkombëtarë dhe liberalizimin e vizave për qytetarët tanë.
Na priftë e mbara!
