Ambasadori i Italisë në Prishtinë Nicola Orlando gjatë një takimi sot me kryetaren e Kuvendit të Kosovës Vjosa Osmani, ka rikonfirmuar angazhimin e vendit të tij për të mbështetur reformat në Kosovë dhe procesin e dialogut me Serbinë.
Në takim është biseduar edhe për zhvillimet aktuale dhe veprimtarinë e Kuvendit, përfshirë progresin e ratifikimit të marrëveshjeve ndërkombëtare.
Postimi i plotë në Twitter:
Në një takim të frytshëm me kryetaren e Kuvendit të Kosovës Vjosa Osmani sot shqyrtuam zhvillimet aktuale dhe veprimtarinë e Kuvendit, përfshirë progresin e ratifikimit të marrëveshjeve ndërkombëtare. Unë rikonfirmova angazhimin për të mbështetur reformat e Kosovës dhe dialogun me Serbinë, të udhëhequr nga BE-ja.