Kreu i Qeverisë, Avdullah Hoti është takuar sot me kryetarin e Organizatës së Veteranëve të Luftës së Ushtrisë Çlirimtare të Kosovës, Hysni Gucati.
Kjo është bërë e ditur përmes një komunikate për media nga Qeveria.
Në këtë njoftim thuhet se Hoti ka theksuar përkushtimin e Qeverisë për thellimin e bashkëpunimit me Organizatën e Veteranëve të Luftës Çlirimtare derisa shkruhet se i njejti është zotuar për trajtim dinjitoz të kategorive të dala nga lufta.
“Ndërsa, kryetari i Organizatës së Veteranëve të Luftës së Ushtrisë Çlirimtare të Kosovës, Hysni Gucati, ndër të tjera, shprehu vullnetin e tij për bashkëpunim të mëtejmë me qëllim të avancimit të gjendjes dhe mirëqenies së veteranëve të UÇK-së”, thuhet në komunikatë.
