Presidenti i Kosovës, Hashim Thaçi ka vizituar familjen e heroinës së gjallë Vasfije Krasniqi – Goodman, me vëllezërit e saj Nuhiun dhe Nafiun.
Thaçi ka shkruar në Facebook se Vasfija me guximin e saj qytetar është shembull emblematik për të vërtetën.
“Lutemi për përmirësimin e shëndetit të saj, që të mund të vazhdojë të jetë zëri i së vërtetës për rreth 20 mijë gra të dhunuara. Motrat dhe nënat tona u dhunuan vetëm dhe vetëm pse ishin shqiptare. Respekt për familjen që i qëndron në krahë”, ka shkruar ai.