Reagime të shumta pasi që Kuvendi i Kosovës nuk miratoi projektligjin për parandalimin dhe menaxhimin e pandemisë. Një ndër ta është edhe Faton Peci këshilltar i kryeparlamentares Vjosa Osmani. Ai përmes një postimi në facebbok ka thënë se deputet e Kuvendit të Kosovës duhet sot, përfundimisht t'i thërrasin arsyes dhe të votojnë shmangien nga afatet procedurale, për të aprovuar projektligjin për parandalimin dhe menaxhimin e pandemisë.
Peci ka shkruar se Kjo mundëson menaxhimin më efikas të pandemisë, krijon bazë ligjore dhe kushtetuese për veprim institucional dhe është përmbushje e obligimit si Kuvend.
Postimi i plotë:
Deputet e Kuvendit të Kosovës duhet sot, përfundimisht t'i thërrasin arsyes dhe të votojnë shmangien nga afatet procedurale, për të aprovuar projektligjin për parandalimin dhe menaxhimin e pandemisë.
Kjo mundëson menaxhimin më efikas të pandemisë, krijon bazë ligjore dhe kushtetuese për veprim institucional dhe është përmbushje e obligimit si Kuvend, karshi kërkesës së përsëritur nga Gjykata Kushtetuese për aprovimin e një ligji të tillë.
Interesi për t'u përballur me pandeminë dhe mbrojtur qytetarët, duhet të tejkalojë mëritë personale.