Vdekja e lehonës me Covid 19, Valbon Krasniqi: Foshnja është gjallë dhe në gjendje të mirë - Bota Sot
Vdekja e lehonës me Covid 19, Valbon Krasniqi: Foshnja është gjallë dhe në gjendje të mirë

Aktuale

Vdekja e lehonës me Covid 19, Valbon Krasniqi: Foshnja është gjallë dhe në gjendje të mirë

Më: 11 korrik 2020 Në ora: 00:20
Valbon Krasniqi

Një 21-vjeçare e infektuar me koronavirus, ka vdekur të premten në Qendrën Klinike Universitare të Kosovës.

Valbon Krasniqi, ushtrues detyre i drejtorit të SHSKUK-së, ka thënë se foshnja është gjallë dhe në gjendje të mirë.

“Kontaktova me drejtorin e Klinikës së Gjinekologjisë i cili ma konfirmoi se foshnja është gjallë dhe në gjendje të mirë”, është shprehur Krasniqi.

Krasniqi ka theksuar se shumë shqetësuese në këto momente është teoria konspirative që nuk ekziston virusi.

“Ju bëj thirrje të gjithë qytetarëve të Kosovës që ta kuptojnë seriozisht situatën në të cilën ndodhemi. Është situatë serioze, skajshmërisht e rënduar dhe shëndeti publik i qytetarëve të Kosovës është i rrezikuar”, ka thënë Krasniqi në Edicionin Special.

Shfaq komentet
comments powered by Disqus
Sot mund të lexoni Shfletoni kopertinat