Deputeti Behgjet Pacolli i ka dalë në mbrojtje këngëtares shqiptare që jeton në Londër, Dua Lipa, e cila është sulmuar me komente në Facebook nga serbët.
Përmes një postimi në Facebook, ai ka thënë se ajo vetëm ishte e sinqertë me fansat, duke treguar historinë e kombit tonë, por nganjëherë e vërteta dhemb, përcjell Bota sot.
Pacolli ka thënë se Dua, Rita, Bebe dhe të tjerët duhet të vazhdojnë të na bëjnë krenarë.
Postimi i tij i plotë:
Ne mund të jemi një popull dhe vend i vogël, por kemi artistën femër më të dëgjuar në botë. Unë shoh sot që Dua po sulmohet nga huliganët dhe nacionalistët serbë për një postim të saj, por ajo thjesht ishte e sinqertë me fansat e saj, duke treguar për historinë e kombit tonë. Ndonjëherë e vërteta dhemb. Dua, Rita, Bebe dhe të tjerët: Vazhdoni të na bëni krenarë!
