Presidenti i Kosovës, Hashim Thaçi përmes një postimi në facebok, ka bërë të ditur se sot është takuar me komandantin e Forcës së Sigurisë së Kosovës, Rrahman Ramën.
Ai ka thënë se ushtrisë së Kosovës nga dje i është shtuar një kontingjent prej 42 automjetesh ushtarake amerikane “Humvee”,transmeton “Bota sot”.
Sipas tij edhe rekrutimi i ushtarëve të rinj do të nisë së shpejti.
Postimi i plotë:
Një takim informues sot kisha me komandantin e Forcës së Sigurisë së Kosovës, gjenerallejtënant Rrahman Ramën. Ushtrisë së Kosovës nga dje i është shtuar një kontingjent prej 42 automjetesh ushtarake amerikane “Humvee”. Edhe rekrutimi i ushtarëve të rinj do të nisë së shpejti. Liria, shteti i pavarur dhe ushtria na japin identitetin dhe krenarinë e lirisë dhe demokracisë! HTH
