Nuk arriti të takohet me Grenellin, por Hyseni zhvilloi një telefonatë me të – ja për çfarë biseduan - Bota Sot
Nuk arriti të takohet me Grenellin, por Hyseni zhvilloi një telefonatë me të – ja për çfarë biseduan

Aktuale

Nuk arriti të takohet me Grenellin, por Hyseni zhvilloi një telefonatë me të – ja për çfarë biseduan

Më: 4 gusht 2020 Në ora: 19:50
Skënder Hyseni dhe Richard Grenell

Koordinatori Shtetëror për Dialogun Kosovë-Serbi, Skënder Hyseni, tregoi në Facebook për një bisedë telefonike që ka zhvilluar në Të Dërguarin Special për Dialogun Kosovë-Serbi, Richard Grenell.

Hyseni po qëndron në Uashington për takime të nivelit të lartë, por nuk ka arritur të caktojë takim me Grenellin. Megjithatë ai tregoi disa detaje të një telefonate me Grenellin.

“Sot në pamundësi të takimit në Washington (Ambasadori Grenell ishte në Kaliforni) pata një bisedë të gjatë telefonike me Ambasadorin Richard Grenell i Dërguar i Posaçem i Presidentit Trump”, thotë ai.

“Bisedën e përqëndruam në aspekte të veçanta të zhvilimeve në Kosovë dhe rajon. Amasadori Grenell mbetet i përkushtuar dhe i angazhuar fuqishëm rreth dialogut Kosovë-Serbi i cili duhet të përmbyllet me njohje të ndërsjellë. Normalizimi i raporteve përmes zhvillimit ekonomik dhe mbështetja e projekteve investive mbeten ne fokus të agjendës dhe pëkushtimit të Ambasadorit Grenell.”, shtoi ai.

Shfaq komentet
comments powered by Disqus
Sot mund të lexoni Shfletoni kopertinat