Prokuroria konfirmon: Djali dyshohet se vrau nënën në Ferizaj - detajet e rastit tragjik - Bota Sot
Prokuroria konfirmon: Djali dyshohet se vrau nënën në Ferizaj - detajet e rastit tragjik

Aktuale

Prokuroria konfirmon: Djali dyshohet se vrau nënën në Ferizaj - detajet e rastit tragjik

Nga: A.Zh Më: 10 gusht 2020 Në ora: 12:18
Foto ilustrim

Prokuroria Themelore në Ferizaj, ka konfirmuar se vrasja e 83-vjeçares në Ferizaj, dyshohet se është kryer nga djali i tij (B. Ç.).

62 vjeçari dyshohet se sot rreth orës 8 të mëngjesit ka vrarë nënën në shtëpinë e tij në rrugën “Ejup Statovci", në Ferizaj, përcjell Bota sot.

Prokuroria ka njoftuar se ai është ndaluar në kohëzgjatje prej 48 orësh.

Njoftimi i plotë:

Prokuroria Themelore në Ferizaj, Departamenti për Krime të Rënda, ju njofton se sot, në Ferizaj, një person dyshohet se ka privuar nga jeta nënën e tij. Ngjarja ka ndodhur rreth orës 08:00, në mëngjes, ku i dyshuari B. Ç., rreth 62 vjeç, dyshohet se në shtëpinë e tij në rrugën “Ejup Statovci", në Ferizaj, ka privuar nga jeta nënën e tij, tani të ndjerën M. Ç, rreth moshës 83 vjecare.

Në këtë mënyrë dyshohet se i njëjti ka kryer veprën penale ‘’Vrasja e rëndë’’, nga neni 173 të Kodit Penal të Republikës së Kosovës (KPRK).

I dyshuari B. Ç, me vendim të prokurorit është ndaluar në kohëzgjatje prej 48 orësh dhe brenda afatit ligjor ndaj tij do të kërkohet masa për sigurimin e të pandehurit në procedurë penale.​

Shfaq komentet
comments powered by Disqus
Sot mund të lexoni Shfletoni kopertinat