​Ministrja Bajrami fton deputetët të votojnë marrëveshjen financiare me vlerë 46 milionë euro

Aktuale

​Ministrja Bajrami fton deputetët të votojnë marrëveshjen financiare me vlerë 46 milionë euro

Më: 14 gusht 2020 Në ora: 20:36
Hykmete Bajrami

Ministrja e Financave, Hykmete Bajrami ka prezantuar para deputetëve projekt-marrëveshjen ndërmjet Qeverisë së Kosovës dhe Asociacionit Ndërkombëtar për Zhvillimin. Kjo marrëveshje ka vlerën totale të kredisë prej 46 milionë euro, me normë të interesi efektiv prej 1,20 për qind, për çka Bajrami tha se është kredi mjaft e volitshme.

Ajo ka ftuar deputetët e Kuvendit të Kosovës që të votojnë këtë marrëveshje të titulluar “projekti emergjent COVID-19 për Kosovën”.

Bajrami: Marrëveshja financiare ndërkombëtare ka vlerën totale prej 46 milionë euro

“Ne si Ministri e Financave kemi negociuar dhe kemi arritur dakordim me Asociacionin Ndërkombëtar për Zhvillim, si anëtare e Bankës Botërore marrëveshjen e titulluar “projekti emergjent COVID-19 për Kosovën”. Marrëveshja financiare ndërkombëtare ka vlerën totale të kredisë prej 46 milionë euro. Ndërsa shlyerja e saj është në kushte më të volitshme se sa të tregjeve financiare. Marrë parasysh që Asociacioni Ndërkombëtar për Zhvillim është organ që objektiv primar ka uljen e varfërisë dhe të gjitha produktet financiare janë të orientuara në këtë aspekt. Me normë të interesit 0,45 për qind dhe tarifë shërbimi prej 0,75 për qind. Pra me një normë interesi efektiv prej 1,20 për qind. Gjë që e bën këtë kredi mjaft të volitshme”, ka thënë ajo.

Bajrami ka njoftuar se kjo kredi ka afat kthimi prej 25 viteve. /Sh.Pajaziti

Shfaq komentet
comments powered by Disqus
Sot mund të lexoni Shfletoni kopertinat