Polici, Hakif Hadolli, sot është ndarë nga jeta, duke humbur betejën me Covid-19.
Për vdekjen e policit të Kosovës ka shkruar edhe ministri i Punëve të Brendshme, Agim Veliu. Veliu ka shprehur ngushëlime dhe ka thënë se Hadolli ishte një polic i shkëlqyer, shkruan “Bota Sot”.
Postimi i plotë:
Me pikëllim të thellë mora lajmin për ndarjen nga jeta të policit të shkëlqyer, e punëtor, Hakif Hodolli, i cili sot, fatkeqësisht, humbi betejën me COVID-19.
Ndaj dhimbjen me familjen Hodolli, miqtë dhe bashkëpunëtorët e Hakifit, të cilët sot humbën, familjarin e përkushtuar, mikun e mirë, dhe kolegun e jashtëzakonshëm.
Ngushëllimet më të sinqerta Familjes Hodolli.
Çoftë i përjetshëm kujtimi për Hakifin.
