Numri i të infektuarve me koronavirus në Kosovë vazhdon të mbetet i lartë. Megjithatë në javën e fundit është shënuar një rënie e lehtë e rasteve të reja.
Dje në vend janë konfirmuar 115 raste të reja me COVID-19, duke e çuar në total numrin e të infektuarve në 13 mijë e 215.
Instituti Kombëtar i Shëndetësisë Publike dje njoftoi edhe për 116 të shëruar, ndërsa numri i përgjithshëm i të shëruarve ka shkuar në 9 mijë e 355.
Që nga fillimi i pandemisë, gjithsej 508 pacientë e kanë humbur jetën në betejën me virusin, ndërsa raste aktive janë edhe 3 mijë e 352.
