Nënkryetari i Lëvizjes Vetëvendosje, Glauk Konjufca, ka thënë se Kryetarja e Kuvendit të Kosovës, Vjosa Osmani e ka dorën e shtrirë të kësaj partie për një bashkëpunim në të ardhmen pas largimit të saj nga LDK.
“Ajo nuk ka thënë se do të vjen në LVV. Ajo LVV-në e ka përmend vetëm në kontekstin e një bashkëpunimi, që do të ndodhë. Ajo është zotuar për këtë dhe ne kemi këtë mendim”, ka thënë Konjufca në konferencë.
“Vjosa Osmani e ka dorën e shtrirë nga ana e LVV për një bashkëpunim që do të jetë çelësi i një fitoreje të paparë në historinë e pasluftës”.
Sipas Konjufcës është i paprecedent përjashtimi i Osmanit nga LDK.
“Të përjetosh përçmim nga partia jote derisa të vendosin për kandidate për kryeministre e pastaj të ndodhë përjashtimi i tillë është e pafalshme për çdo person që ka minimum të dinjitetit. Është e patolerueshme”.
“Pakënaqësia e shprehur nga Osmani është e kuptueshme nga qytetarët. Ka të bëjë me faktin që një njeri ndjehet i tradhtuar nga bashkëpunëtorët. Kur ju duhet të vendosin logo para qytetarëve pastaj fillojnë me procedura të “gjyqeve” brenda partisë për të të përjashtuar”.
“Osmani e ka ndërtuar identitetin e pavarur politik me mundin e saj edhe sa e kam përcjell qëndrimet e saj në politikë në dy muajt e fundit ajo ka shpreh idenë që ta vazhdojë alternativën e vet politike që e ka shpjeguar”.
