Orë më parë është mbajtur seanca për të akuzuarin Pjetër Ndrecaj i cili vrau gruan dhe vajzene tij.
Trupi gjykues me kryetar Gëzim Pozhegun e ka dënuar atë me 24 vjet e 6 muaj burgim, duke ia ulur dënimin të akuzuarit.
Në lidhje me këtë ulje të dënimit ka reaguar deputeja nga radhët e VV-së, Albulena Haxhiu duke u shprehur e shokuar, transmeton "Bota sot".
Haxhiu thotë që ku aktgjykim është padrejtësia e radhës e grave duke iu jepur hapësirë veprimeve kriminale.
Postimi i plotë
Jam e shokuar me uljen e dënimit për vrasësin e të ndjerës Valbonës dhe vajzës së saj!
Ky aktgjykim është padrejtësia e radhës ndaj grave. Ky aktgjykim është aq skandaloz sa tregon se jeta e gruas e fëmijëve nuk është e vlefshme për institicionet e drejtësisë.
Në vend se institucionet e drejtësisë të jenë vendi ku triumfon drejtësia ato janë shndërruar në zyra për pazare e vendime të turpshme ku amnistohen kriminelët e inkurajohen të tjerë për veprime kriminale!
Asnjëherë më shumë nuk kemi pasur nevojë për shtetin e së drejtës!
