Ministrja Punëve të Jashtme dhe Diasporës së Kosovës, Meliza Haradinaj Stublla, ka pritur sot në takim Ambasadorin e Hungarisë në Kosovë, József Bencze.
Haradinaj-Sutblla në këtë takim ka falënderuar shtetin hungarez për mbështetjen e madhe që ka dhënë për Kosovën në proceset shtetndërtuese.
“Biseduam për domosdoshmërinë e vazhdimit dhe thellimit të bashkëpunimit tonë ndërshtetëror në fusha të interesit të përbashkët, në veçanti në bashkëpunim ekonomik.”, deklaroi Haradinaj-Stublla, përcjell "Bota sot".
Postimi i plotë
Prita sot në një takim të parë njoftues Ambasadorin e Hungarisë në Kosovë, József Bencze.
Shpreha mirënjohjen time për mbështetjen e madhe që shteti hungarez ka dhënë për Kosovën në proceset tona shtetndërtuese, sidomos në përkrahjen e tyre për liberalizimin e vizave për qytetarët e Kosovës.
Biseduam për domosdoshmërinë e vazhdimit dhe thellimit të bashkëpunimit tonë ndërshtetëror në fusha të interesit të përbashkët, në veçanti në bashkëpunim ekonomik.