Analisti Faton Abdullahu dhe ish-këshilltari i Kurtit, Shkëlzen Gashi janë përplasur në një debat të organizuar në Shqipëri në lidhje me Gjykatën Speciale.
Abdullahu tha se Gashi po i shpall fajtor qysh tani shqiptarët dhe liderët e politikës që po akuzohen nga Gjykata Speciale.
“Unë kam dyshimin se siç po na i prezanton z.Gashi janë të gjitha të vërteta dhe janë Dick Martyt të vërteta, dhe fajtor po na i shpall qysh tani se cilët janë, unë flas mbi bazën e analizës dhe një ashtu edhe z.Gashi, po nuk i jap të drejt vetës të them se këta janë fajtor, këta kanë bërë këtë”, tha Abdullahu.
Gashi ju është kundërpërgjigjur Abdullahut se kjo nuk është e vërtetë pasi ai nuk përmendi emra dhe duke shpallur fajtorët.
“Kush tha që janë fajtor, unë nuk e thash asnjëherë që këta janë fajtorët”, tha Gashi duke iu kundërpërgjigjur Abdullahut.
Abdullahu tha se fjalët si i tha Gashi i bie të jetë ashtu sipas tij.
“E sille muhabetin ashtu që erdhe ashtu deri tek puna”, tha Abdullahu.
Gashi tha se Gjykata Speciale do të vendos se kush është i fajshëm dhe kush është i pafajshëm.
“Nuk e thash asnjëherë që këta janë të fajshëm, është Gjykata Speciale ajo që vërteton a janë fajshëm apo jo , nëse janë të pafajshëm i liron, nëse janë të fajshëm i dënon”, tha Gashi.
Abdullahu ju përgjigj Gashit duke i thënë se po flet si po i konvenon dhe po i di të gjitha.
Po ashtu analisti Abdullahu ftoi Gashin të publikon emrat fajtor nëse po i di.
“Kur po të konvenon po thu nuk e dim çfarë ka, kur po të konvenon diçka tjetër po thu e dimë çka ka, e dimë se ku janë fajtorët, e dimë se pushtetarët se çfarë kanë ba, gjitha po i din ti dhe gjitha po i argumenton, por kur po të konvenon ndryshe po thu se dimë”, tha Abdullahu.
“Ti po dinë shumë dhe po tregon, tregoj emrat pro, tregoj emrat, bindëm mu”, tha Abdullahu.