Zyrtari i Lëvizjes Vetëvendosje, Arbër Zaimi ka reaguar ashpër ndaj Kryeministrit të Shqipërisë, Edi Rama lidhur me deklaratat e tij ndaj shqiptarëve të Kosovës.
"Sipas Ramës, janë ekstremistë ata në Prishtinë, që kërkojnë që shqiptarët të kenë sovranitet mbi vendin e tyre, aq sa çdo popull tjetër, dhe ata në Beograd, të cilët kërkojnë që serbët të kenë sovranitet mbi vendin e shqiptarëve", deklaroi Zaimi, përcjell "Bota sot".
Zaimi tha se Rama po e vlerëson njëlloj pushtuesin e çliruesin.
Postimi i plotë
Sipas Ramës, janë ekstremistë ata në Prishtinë, që kërkojnë që shqiptarët të kenë sovranitet mbi vendin e tyre, aq sa çdo popull tjetër, dhe ata në Beograd, të cilët kërkojnë që serbët të kenë sovranitet mbi vendin e shqiptarëve.
Pushtuesi e çliruesi njëlloj sipas Ramës. Pse? Sepse shajnë Ramën.
Hegeli shkruante “syri që sheh ligësi kudo, e ka të ligën brenda”. Në rastin e Ramës, “syri që sheh kudo ekstremistë”, mos mendoni se është vetë i moderuar. Jo, jo, ai është ekstremist i sharlatanizmit, mungesë ekstreme e dinjitetit.
